-- ADVERTISEMENT --
Ginapaubaya eon lang it Palasyo it Malacañang ro imbestigasyon sa National Bureau of Investigation sa ginasugid nga death threat sa kabuhi ni Pangueong Ferdinand Marcos Jr.
Sa sangka press briefing sa Malacañang, ginpunto ni Presidential Communications Office (PCO) Undersecretary Claire Castro nga bukon eon it bag-o ro mga paeag sa kabuhi it presidente nga suno kana hay nag-umpisa sa mga naging pahayag ni Vice President Sara Duterte.
Dugang pa ni Castro, inde eon kinahang-ean nga manduan mismo ni Pangueong Marcos Jr. ro NBI nga mag-imbestiga bangud sa awtomatiko eon raya nga kaparte it trabaho ag mandato it ahensya nga tutukan ro makaraya nga mga paeag, maging raya man hay para sa presidente ukon para sa sangka ordinaryong pumueoyo.
