Ginpamilit it mga transport group nga nagpasakop sa tatlong adlaw nga welga nga nag-umpisa adlaw it Miyerkules ro P55 kada litrong rollback sa presyo it diesel, kadungan it padayun nga pagsirit it presyo it langis nga suno kanda hay nagapabug-at sa pangabuhian it mga driver it pampublikong saeakyan.
Nagpanawagan ro transport group nga PISTON it insigidang sabat halin sa gobyerno sa naga-grabe nga epekto it krisis. Suno sa grupo, bukon it bastante ro P20 kada litrong rollback sa diesel agud nga mabatyagan it mga driver ro kasoehayan.
Owa man nagbiyahe umpisa alas-7 it agahon hasta alas-5 it hapon ro mga miyembro it MANIBELA. Maskin nga dugang nga paeas-anon ro pagkaduea it sang adlaw nga kita, ginpahayag it mga driver nga kinahangean nanda nga ipaabot sa gobyerno ro andang reklamo.
Dugang pa it MANIBELA, naeubtan nanda kon ham-an nga owa nagpasakop sa welga ro mga miyembro it transportation cooperatives nga ginbilog bilang pagsunod sa mga rekisito it Public Utility Vehicle Modernization Law.
