Ginkasa it Iran ro uman nga pagsarado it Strait of Hormuz bangud sa padayon nga “blockade” ukon pagharang it Estados Unidos sa andang mga dungkaan.
Gintawag it Iran nga “piracy” ukon pandarambong sa eawod ro ginahimo it US.
Sang adlaw eamang matapos gin-anunsyo it Iran nga bukas eon ro Hormuz Strait kasunod it deklarasyon it napueong adlaw nga untat-eokpanan ukon ceasefire sa tunga it Lebanon ag Israel, ginbawi raya it Iranian military.
Ginpahayag it mga maritime security sources nga may mga eopok it baril nga naghalin sa mga gunboat it Iran kontra sa sangka tanker.
Maabong barko ro bumalik bangud sa grabeng tensyon.
Sa Hormuz Strait nagaagi ro haeos 20% it langis sa bilog nga kalibutan rason nga ro pagsarado kara hay nagatuga it kahadlok sa pagtaas it presyo it langis.
Ginpahayag it Iran nga magapabilin ro hugot nga kontrol sa nasambit nga kaeawran hasta sa uwa ginaduea it Amerika ro andang naval blockade.
