KALIBO, Aklan — Nagapati ro sangka political analyst sa Aklan nga si Atty. Harry Sucgang nga maskin nga gindesisyunan it House Committee on Justice pinaagi sa unanimous vote nga may probable cause ukon bastante nga basehan ro mga impeachment complaints kontra kay Vice President Sara Duterte, apang ro mabakod nga numero it anang mga kaalyado sa Senado ro magiging sab-eag agud nga mapatalsik imaw sa pwesto.
Raya hay bangud nga ro impeachment hay numbers game ag mabahoe ro posibilidad nga ma-acquit ukon indi makabo-oe it kinahangeanon nga boto agud nga mapahalin imaw sa pwesto mag-eowas eamang suno kana kon ro ibang senador nga anang kaapin hay makonsensiya ag magboto kontra kana.
Suno kay Atty. Sucgang nga base sa mga ebidensiya nga gin presentar hay makabig nga nakaangkon gid man it saea ro bise presidente.
Ro mga reklamo hay nakapokus sa gina alegar nga saea nga paggamit it confidential funds, bribery, unexplained wealth, ag mga paeag ukon aksyon sa kabuhi ni President Marcos Jr., First Lady Liza Marcos ag dating House speaker Martin Romualdez.
Nauna kara, gin endorso nanday Mamamayang Liberal Party-list Rep. Leila de Lima ag Manila Rep. Benny Abante ro mga reklamo, ag kumpiyansa ro kampo it mga nagareklamo nga makabo-oe it one-third vote sa plenaryo agud nga mapasaka raya sa Senado.
Agud nga mapahalin sa pwesto ro bise presidente, nagakinahangean it two-thirds vote ukon 16 sa 24 nga senador kun sa siin ro senado ro magatindog bilang impeachment court.
