Aprubado eon it House Committee on Justice ro impeachment report kontra kay Vice President Sara Duterte.
Sa ginhiwat nga pagpamati ku adlaw it Lunes, Mayo 4, nakaangkon it 55-0 vote ro nasambit nga report.
Ginklaro ni Kabataan Partylist Representative Atty. Renee Co, nga ro pag-botohan kun may probable cause hay nagtuhaw ku nagtaliwan nga dominggo ag ro ginhiwat nga pagpamati kahapon hay ro pag-saayos it nasambit nga dokumento sa articles of Impeachment.
Naayos eon ro committee report kaibahan eon kara ro igapasaka nga articles of impeachment kun mabuoe ro 1/3 vote sa plenary. Paathag dugang ni Atty. Co nga ro impeachment hay bukon it criminal proceedings kaya uwa it pagkakulong nga maga-tuhaw.Ro kaya sigon karang ubrahon hay ro pag-patalsik sa pwesto it mga nakapungko sa kapangyarihan, apang may mga patrikular nga public officials eamang nga pwede rayang gamiton bangud sa mataas nga posisyon.
Dugang pa kara, posible man nga ieakip kara ro permanent disqualification sa pag-daeagan sa mga masunod nga eleksyon.
Kun mapasaka eon sa Senado, nga maga-serbeng impeachment court, dapat sigon nga indi eon pagtakasan it bise president ro pagsabat sa mga alegasyon at atubadngon eon raya.
