Madinaeag-on nga nabayluhan ro liderato sa Senate of the Philippines matapos mailihir si Sen. Alan Peter Cayetano bilang bag-ong Senate President kabaylo ni Sen. Vicente “Tito” Sotto III.
Nakabuoe si Cayetano it 13 boto kontra sa siyam ni Sotto, samtang daywa ro nag-abstain.
Nagtuhaw ro botohan kasunod it mosyon nga ideklarang bakante ro tanan nga posisyon sa Senado ag insigida man nga gin-sunod ro nominasyon para sa bag-ong lider.
Ginpangunahan it pilang senador halin sa minority bloc ag dating mga kaalyado ro suporta kay Cayetano.
Nagpahayag man it pag-alinlangan ro pilang senador halin sa oposisyon apang uwa nag-pamaeabag sa proseso bangud sa kakueangan it boto.
Nagtuhaw ro pagbag-o it pamunuan sa tunga it biglaang tikang sa plenaryo nga nagresulta sa madasig nga transisyon it liderato it Senado.
