Pagabawasan it Thailand ro visa-free stay period it mga turista halin sa 60 diyas hay paga-obrahon nga 30 diyas para sa 93 nga nasyon, suno sa foreign minister kara.
Suno kay Foreign Minister Sihasak Phuangketkaeow, igasumite pa sa gabinete ro proposisyon agud nga opisyal nga maipatuman ro pagbag-o nga nagatuyo nga malikawan ro kriminalidad ag misuse it visa privileges.
Umpisa Hulyo 2024, ginpatuman it Thailand ro 60-day visa-free entry para sa mga turista halin sa 93 nga nasyon.
Kadungan kara, magapatigayon man ro mga awtoridad it mas hugut nga pag-usisa sa nagkaeain-eain nga visa agud nga masiguro nga tama ro paggamit kara it mga nagasueod sa nasyon.
Tuyo it nasambit nga tikang nga pugngan ro posibleng pag-abuso sa mas mahabang pagtiniri ag pagpasakop sa ilegal nga aktibidad.
Umpisa Enero hasta Mayo 10, 2026, nag-abot sa 12.4 milyon ro foreign tourists sa Thailand, mas manaba it 3.43% kumpara sa nagtaliwan nga dag-on.
