Japan gin-uyog it M-6.3 nga linog

Gin-uyog it magnitude 6.3 nga linog ro northern Japan, adlaw it Biyernes, Mayo 15.

Sa pihak kara, owa man it tsunami warning ro gin-isyu ag owa man it gin-report nga mga grabeng kahalitan nga gintuga.

Ro linog hay tumama bandang alas-8:22 it gabi-i sa dagat sa northern Miyagi prefecture, suno sa Japan Meteorological Agency (JMA).

Kasunod raya it mabaskog nga magnitude 7.7 nga linog nga tumama sa rehiyon ko Abril nga nagtuga it tsunami alert ko rato nga paniempo.

Nagpaandam ro JMA it mga posible pang mabaskog nga linog sa rehiyon.

Samtang, owa man it nailista nga abnormalities sa nuclear power plants sa Miyagi ag Fukushima, nga 125 kilometro ro eayo halin sa epicenter.