Harry Roque, uman nga nagpahayag it suporta kay FPRRD

Nagpahayag it padayon nga suporta si dating presidential spokesperson Harry Roque kay dating Pangueong Rodrigo Duterte sa paagi it Facebook post ku Mayo 23.

Ginpakigbahin ni Roque ro litrato nanda ni Duterte kat uwa pa nagapangatubang ro dating pangueo sa kasong crimes against humanity sa International Criminal Court (ICC) angot it war on drugs it anang administrasyon.

Kaeakip it post ro mga katagang “See you soon again Tatay Digong” ag “Walang iwanan” bilang pagpakita it anang suporta kay Duterte.

Sa separado mat-a nga post, ginpahayag ni Roque nga kumpiyansa imaw sa bag-ong legal counsel ni Duterte sa ICC nga si Atty. Peter Haynes matapos magbuhi bilang abogado si Atty. Nicholas Kaufman.