Padayon ro paglala it tensyon sa tunga it Estados Unidos ag Iran matapos ro sunod-sunod nga baeayluhan it pag-atake sa palibot it Strait of Hormuz.
Suno sa US Central Command, nagpatigayon ro Amerika it self-defense strikes kontra sa mga target militar it Iran bilang sabat sa agresibo sigon nga tikang it Tehran, kaibahan ro pag-atake sa sangka US drone ag pag-neutralize it mga drone ag radar system nga ginakabig nga paeag sa mga barko sa rehiyon.
Ginreport man nga na-intercept ro daywang ballistic missiles nga ginpaeupok sigon it Iran paadto sa US forces sa Kuwait.
Sa bahin it Iran, ginpahayag it Islamic Revolutionary Guard Corps nga nagbaeos raya sa paagi it pag-atake sa sangka air base nga ginagamit it US forces.
Samtang, ginkondena man it Kuwait ro mga insidente kadungan it pag-activate it air raid alerts ag pagsabat sa mga drone ag missile threats sigon.
Sa tunga it krisis, nagapanawagan it pag-kalma ro pamunuan it US samtang nagapadayon ro istoryang pangkalinungan sa tunga it daywang nasyon, apang nagapabilin nga uwa it pinal nga kasugtanan sa ceasefire ag nuclear negotiations.
