Namatay ro daywang piloto matapos bumagbag ro sangka military training aircraft samtang nagapatigayon it simulated engine failure exercise sa Taiwan, adlaw it Martes, Hunyo 2.
Suno sa Ministry of Defense, bumagbag ro T-34 training plane bandang alas-8:08 it agahon sa naaminhan nga parte it runway it Gangshan Air Base sa Kaohsiung City.
Nakilaea ro mga namatay nga piloto sa andang apelyidong Lt. Col. Lu ag Lt. Col. Guo.
Insigidang nagbilog it task force ro Taiwanese Air Force agud nga imbestigahan ro rason it aksidente.
Nagpahayag man it pakikisimpatiya si Pangueong Lai Ching-te ag gintawag nga mga “baganihan” ro daywang piloto.
Ko Enero, sangka F-16 fighter jet man it Taiwan ro bumagbag sa dagat sa nasidlangang parte it nasyon samtang sa routine training mission.
Hasta sa makaron hay owa pa nakit-an ro piloto kara.
