Owa napugngan it bag-ong liderato ni Acting Senate President ProTempore Sherwin Gatchalian ro pagpatigayon it hearing it Senate Blue Ribbon Committee nga ginapamunuan ni Senador Pia Cayetano ro pagpadayun it pagpamati sa flood control scandal.
Agahon it Huwebes, pormal nga ginbuksan ni Pia ro hearing kaibahan sanday Senate President Alan Peter Cayetano, ag sanday Senador Imee Marcos ag Rodante Marcoleta nga gintaeana nga sub-committee chairman nga magpanguna sa hearing.
Naunang nagpaguwa it memoramdum si Gatchalian nga ginmanduan ro tanan nga opisyal ag empleyado it Senado nga puwedeng mag ”work-from-home” rason nga indi kinahangean nga mag-agto sa Senado agud nga buytan ro andang natungdan nga mga obligasyon.
Bangud kara, ginsueang ni Pia ro pilang resource person nga pilit owa ginapasueod it Office of the Sergeant-At-Arms (OSAA) bangud nga owa sanda it “Visitors Management System” QR Code.
Sanday Marcoleta, SP Cayetano, ag Marcos ro nagpanguna sa pagpamati sa testimonya it 18 marines kaibahan ro andang abogadong si Atty. Levi Baligod.
Uman nga ginsaysay it mga ex-Marines ro andang pag-deliver it bilyon-bilyong peso nga nakasueod sa mga maleta it gina-alegar nga kickbacks para sa mga opisyal it administrasyon ag iba pang kongresista.
Owa pa it pahayag ro taeatapan ni Senador Erwin Tulfo nga gintaeana nga bag-ong chairman it grupo ni Gatchalian angot sa nasambit nga hearing.
