Ginkumpirma ni Hon. Apolinar Cleope, Sangguniang Panlalawigan member it 1st district it Aklan nga magiging target nga buksan ro Dumaguit port makaron nga dag-on.
Suno kana, nakita sigon it Provincial Governor nga dapat eon gid raya nga maging operational, bukon eang para mabuhinan ro pagiging crowded it Caticlan port, kundi para eon man maisueong ro economic activity sa Eastern side it probinsya.
Base sigon sa Coordination Meeting, ginaplastar ag gina-ayos eon lang sigon nanda makaron ro passenger terminal sa sueod it pyer.
Ginapreparar pa man sigon ro seguridad bukon eang it para sa mga byahero kundi pati eon man ro mga shipping lines. Ginabueubanta nga paga-buksan raya sa 3rd quarter it dag-on.
Dugang pa nana, nagkumpirma ro Starlight it andang ruta nga Batangas, San Agustin, Romblon paadto sa Dumaguit port.
Tatlong beses sa sang dominggo sigon ro anda kara nga frequency, apang maga-dugang pa raya depende sa kaabo it pasahero ag cargo.
Nag-commit man sigon ro Montengero Shipping nga maga-byahe sa nasambit nga pyer kun may bakante eon sandang barko.
Paathag pa ni SP Cleope, mabahoe ro magiging epekto kara sa ekonomiya it probinsya bangud sa ginpadasig nga pag-padaea it mga lokal nga produkto.
