Ginserbi eon it mga awtoridad sa contractor nga si Pacifico “Curlee” Discaya II ro arrest warrant para sa malversation through falsification of public documents charges angot sa gina alegar nga kickback scheme sa flood control projects, adlaw it Lunes, Hunyo 8.
Si Discaya nga una sa detention it Senado hay ginsaylo eon sa kustodiya it Philippine National Police-Criminal Investigation and Detection Group (PNP-CIDG).
Ginpatigayon it mga awtoridad ro booking procedure sa Senado kaibahan ro pagbo-oe it mugshot ag fingerprints.
Gin-isyu it Malolos Bulacan Regional Trial Court (RTC) ro warrant of arrest ko Biyernes kontra kay Discaya, asawang si Cezarah “Sarah” ag siyam nga iba pa angot sa malversation through falsification of public documents nga may kaangtanan sa andang amot sa kickback scheme halin sa flood control projects.
Nagpasaka it graft ag malversation cases ro Office of the Ombudsman kontra kay Discaya ag 10 iba pa bangud sa maanomalyang flood control project sa Calumpit, Bulacan.
Suno sa defense attorney ni Discaya, masubo sigon si Curlee nga imaw ro makulong sa pihak it pakikipagbueuligan sa imbestigasyon.
