Patay ro indi maganaba sa 21 nga katawo, samtang 19 nga iba pa ro naninahan matapos maaksidente ag masunog ro sangka pampasaherong bus maeapit sa siyudad it Nassiriya sa Iraq, adlaw it Domingo.
Suno sa mga awtoridad, naduea-an sigon it kontrol ro driver samtang nagabiyahe sa sangka highway. Bangud kara, tumagilid ag natumba ro bus bago raya eubusan nga nagkaeayo.
Ginkumpirma it mga pulis ag health officials nga 21 katawo ro namatay, samtang ro 19 nga naninahan hay insigidang gindaea sa ospital. Kaabuan sa mga naninahan hay sa kritikal nga kondisyon bangud sa naangkon nga grabeng paso sa eawas.
Ginmandu man ni Iraqi Prime Minister Ali al-Zaidi ro insigidang imbestigasyon agud nga matumod ro rason it trahedya. Ginapa-report man nana ro mga natungdan nga ahensya angot sa bilog nga hitabu.
Padayun pa ro imbestigasyon it mga awtoridad agud nga masayuran ro eksaktong rason it aksidente.
Kaeabanan eon sigon ro mga aksidente sa karsada sa Iraq bangud sa madasig nga pagpadaeagan it saeakyan, mga samad nga karsada, ag kakueangan sa pagpatuman it mga batas trapiko.
