Kadungan sa selebrasyon it ika-128 nga Independence Day it Pilipinas, nagpahayag it pagkontra ro Philippine Coast Guard (PCG) angot sa natukiban nga istruktura it China sa Bajo de Masinloc.
Suno kay PCG Spokesperson for the West Philippine Sea Rear Admiral Jay Tarriela, owa ginapabahoe it Pilipinas ro isyu angot sa istruktura sa teritoryo nga sakop it nasyon.
Pahayag nana nga klaru nga nakita, natumod ro lokasyon, ag naboe-an it aerial images ro istruktura antes raya nga ginhayag sa publiko.
Ginpunto ni Tarriela nga raya hay bukon it sangka klase it pagpakalhit it saea nga impormasyon kundi kaparte it transparency.
Nagpanawagan imaw sa China nga boe-on ro nasambit nga platform, punduhon ro pagbutang it boya ag communication tower, ag respetuhon ro 2016 Arbitral Award ag mga kagadatan nga sakop it Pilipinas sa idaeum it international law.
Ginpadumdum man it opisyal nga ro natabu kato sa Mischief Reef, kun sa siin, nauna eon nga ginapahayag it China nga para eamang sa mga mangingisda ro mga ginpatindog nga pasilidad apang makataliwan ro pilang dag-on hay nangin artificial ag militarized island eon raya bisan nga una sa sueod it exclusive economic zone it Pilipinas.
Bangud kara, ginpahayag ni Tarriela nga indi pwede nga batunon eon lang ro ginpahayag it China nga normal eamang ro andang mga aktibidad sa Bajo de Masinloc.
