Ginklaru it Malacañang nga owa it anuman nga ginpangayo nga kabaylo ro Russia para sa pagpahilway sa 24 nga Pilipinong detenido sa nasambit nga nasyon.
Suno kay Palace Press Officer USec. Claire Castro, ginmitlang eamang ni Pangueong Ferdinand Marcos Jr. ro kahimtangan it mga Pilipino sa anang bilateral meeting kay Russian President Vladimir Putin.
Nakibot sigon si Putin kat masayuran ro angot sa mga Pilipinong nakakulong ag insigidang ginpromisa nga paga-usisaon ro andang kahimtangan.
Ginpahayag ni Pres. Putin nga paga-usuyan nana raya it solusyon sandig sa laye ag polisiya it Russia.
Ginpamilit pa ni Castro nga ginarespeto it Pilipinas ro mga laye it Russia, ag naging positibo ro sabat ni Putin nga nagresulta sa insigidang pagpa-uli sa mga Pilipino.
Eubus sigon nga ginkalipay ni Pangueong Marcos ro positibong sabat ni Pres. Putin.
