Ginkundina it legal spokesperson it House Prosecution panel ro gina-alegar nga fake news nga ginpakalhit it defense team ni Vice President Sara Duterte.
Ginsita ni Atty. Benjamin “Jay” Tolosa, Jr. ro pahayag it defense panel nga ro private prosecutors eamang ro present sa ginpatigayon nga pagmarka it ebidensya ag ro public prosecutor hay nag-atubang eamang sa agahon.
Ginpamalibaran man ni Tolosa ro pahayag it defense team nga ro House Prosecution Panel hay ‘undermanned.’
Ginpamalibaran man ni House Impeachment Trial spokesperson Representative Renee Co it Kabataan Party-list ro mga ginpahayag it defense team nga agahon eamang nagtambong ro public prosecutors para sa pagmarka it ebidensya.
Owa man sigon it problema nga nagtambong sa pagmarka it ebidensya ro mga private prosecutor.
Suno kay Co, ro pag-insister it defense team nga makaangkon it kaugalingon nga pagmarka para sa common exhibits hay nagapa-delay eamang sa pagsueong it proseso.
