Impeachment pre-trial conference ni VP Sara, nagtapos nga uwa ginabuksan ro sealed BIR box

Nagapabilin nga nakaselyo ro kahon halin sa Bureau of Internal Revenue (BIR) nga may sueod sigon it mga tax document ni VP Sara Duterte matapos ro ulihing adlaw it pre-trial conference para sa anang impeachment case.

Uwa anay gin-desisyunan it Senate impeachment court ro hinyo it House prosecution panel nga buksan ag batunon bilang ebidensya ro nasambit nga kahon.

Ginahueat pa ro komento it kampo it Bise Presidente antes magpaguwa it desisyon ro korte.

Samtang, natapos eon ro pagmarka it iba pang ebidensya it prosekusyon, samtang ginaeaumang igapaguwa it impeachment court ro pre-trial order nga magaserbeng giya sa masunod nga yugto it pagbista.

Padayon man nga naga-hinyo ro kampo ni Duterte nga ibasura ro impeachment complaint kontra kana.