Posibleng uman nga magnaba ro presyo it mga produktong petrolyo sa masunod nga domingo matapos ro ikatlong sunod nga adlaw it pagnaba it presyo sa world market.
Base sa pinaka-ulihing trading, nagnaba it P0.70 kada litro ro diesel, P0.30 kada litro ro gasolina, ag P0.60 kada litro ro kerosene. Sa pihak kara, may nabilin pang daywang trading days bago eubusan nga masiguro ro price adjustment sa masunod nga domingo.
Suno kay Jetti Petroleum President Leo Bellas, may posibilidad it panibag-ong rollback apang owa raya ginaeauman nga kapareho kabahoe sa ginpatuman ko nagtaliwan nga Martes. Posible man sigon nga magapabilin nga owa it pagbag-o ro presyo depende sa hueag sa merkado.
Samtang, ginpahayag ni Energy Secretary Sharon Garin nga indi eon kinahangean nga magpatigayon it imbestigasyon sa mga lokal nga kumpanya it langis sa pihak it mandu ni US President Donald Trump nga imbestigahan ro oil firms sa Estados Unidos angot sa presyo it gasolina.
Ginpaathag ni Garin nga sa sueod it daywang buean hay ro Department of Energy eon ro naga-kompyut it domingguhan nga price adjustments base sa hueag it world prices it langis ag iba pang gastos it mga oil company.
