Gintapos it Switzerland ro andang 88-anyos nga paghueat para maangkon ro sangka kadaeag-an sa knockout stage it World Cup.
Ginpiyerde it koponan ro Algeria sa ulihing match it Round of 32 sa Vancouver, Canada, sa score nga 2-0.
Tempranong nagpakitang-gilas ro mga Swiss kun sa siin sa ika-napueong minuto pa eamang it hampang, insigida nga nabo-oe it Switzerland ro 1-0 lead matapos maipasueod ni Breel Embolo ro sangka madasig nga short-range shot sa bulig it assist halin sa andang pambato nga si Johan Manzambi.
Ginhana man it Algeria nga magbaeos sa punta it first half apang mas pa raya nga naulihi sa pagsueod it second half.
Ginpanipuslan ni Swiss defender Dan Ndoye ro mahinang defense it Algeria ag gulpi nga ginpasueod sa ika-46 minuto ro ikaywang goal it Switzerland halin sa tunga it box, rason para sumaka ro score sa 2-0.
Owa eon nakaporm pa ro Algeria hasta nga matapos ro hampang maskin pa sa stoppage time.
Bangud kara, opisyal eon nga nakasueod ro Switzerland sa Round of 16 kun sa siin nagapabilin sanda sa Vancouver para atubangon ro magadaog sa tunga it Colombia ag Ghana sa maabot nga Hulyo 7.
