Naghinay sa 6.4 percent ro inflation ko Hunyo matapos magnaba ro presyo it fuel kumpara sa mga nagtaliwan nga buean, suno sa Philippine Statistics Authority.
“The downtrend in the overall inflation in June 2026 was primarily brought about by the slower annual increase in the transport index at 12.8 percent during the month from 16.2 percent in May 2026,” suno sa PSA.
Naghinay man ro food inflation sa 5.4 percent ko Hunyo halin sa 5.8 percent ko Mayo.
Ro June inflation rate hay nakasueod sa forecast range it Bangko Sentral ng Pilipinas nga 6 hasta 7 percent, ag nagdaea sa average inflation sa unang katunga it dag-on sa 3.8 percent.
Sa pihak kara, nagtaas ro core inflation, nga bukon it kaibahan ro food at energy items nga madaling magbag-o ro presyo, sa 4.4 percent ko Hunyo halin sa 4.1 percent ko Mayo. Ko Hunyo 2025, mas manaba ro core inflation rate sa 2.2 percent.
Ginpahayag it Department of Economy Planning and Development nga ro pagnaba it inflation pressures hay nagapakita it pagmayad it global conditions ag epekto it mga tikang it gobyerno, kaibahan ro targeted assistance para sa farmers, fisherfolk, ag transport service providers, kamana man ro pagbo-oe it toll fees para sa mga saeakyang nagadaea it agricultural produce.
Ginpahayag man ni DEPDev Secretary Arsenio Balisacan nga tuyo it gobyerno nga mabawasan ro epekto it weather shocks, kapareho it mabaskog nga El Nino sa ekonomiya. Ginmitlang man nana ro plano it gobyerno nga magtukod it strategic petroleum reserve kaibahan ro Japanese government.
Nauna eon nga ginpahayag it Bank of the Philippine Islands nga ginaeauman kara nga sangkiri nga maganaba ro inflation ko Hunyo bangud sa pagnaba it Dubai crude prices ag pag-umpisa it harvest season para sa bugas.
Sangkiri nga naghina ro inflation sa 6.8 percent ko Mayo halin sa 7.2 percent ko Abril, apang nagapabilin raya nga mas mataas sa 2 hasta 4 percent target it economic managers.
Ginabasoe ro pagsirit it inflation umpisa ko Marso sa pagtaas it presyo it langis matapos ro US-Israeli attacks sa Iran. Suno sa mga analyst, maskin nga ginaeauman nga magiging normal ro oil shipping sa Strait of Hormuz, posibleng abuton it pilang buean bago bumalik ro fuel prices sa pre-Mideast war levels.
Kan-o eamang hay gin-rebisa it cabinet-level Development Budget Coordination Committee ro average inflation forecast kara para sa dag-on sa 6 hasta 7 percent.
