Para sa House Prosecution Panel, pabor kanda ag sa publiko ro kadaeag-an sa ikaywang adlaw it impeachment trial kontra kay Vice President Sara Duterte.
Suno kay House trial Spokesperson Rep. Zia Alonto Adiong, madinaeag-on nga naipresenta it prosekusyon ro unang testigo ag parte it mga ebidensya para sa ika-ap-at nga article of impeachment.
Raya hay angot sa gina-alegar nga paeag ni VP Duterte nga igapapatay si Pangueong Ferdinand Bongbong Marcos Jr., 1st Lady Liza Araneta Marcos ag dating House Speaker Martin Romualdez mag-eowas pa sa alegasyong inciting to sedition.
Gin-insister ni Adiong sa naging daeagan it ikaywang adlaw it pagbista kay VP Sara hay naging klaru nga nagaguwa ag nagabaskog ro panawagan it prosecution nga ipakita sa publiko ro kamatuoran.
