Una sa 17 katawo eon ro namatay samtang masobra katungang milyon katawo ro naapektuhan it bagyong Inday.
Raya hay base sa report it National Disaster Risk Reduction and Management Council (NDRRMC) kun siin ro 17 mga nalistang bikitma hay namatay bangud sa pagkaeunod ag landslides.
Ro 10 sa mga namatay hay halin sa Malapatan, Sarangani samtang ro lima hay halin sa Calanogas, Lanao del Sur ag daywa mat-a hay halin sa Bukidnon.
May una nga siyam nga katawo ro missing kun siin an-om kara hay halin sa Calanogas ag tatlo mat-a hay halin sa Malapatan.
Gaabot sa 112,500 nga pamilya ro naapektuhan it bagyo.
Naka-tao eon man ro gobyerno it una sa P16.41 milyon nga haega it bulig para sa mga apektadong residente.
Madumdumang daeayon nga nakaguwa sa Philippine Area of Responsibility (PAR) ro bagyong Inday ku adlaw it Sabado.
