Opisyal eon nga gindeklara it Provincial Disaster Risk Reduction and Management Office (PDRRMO-Aklan) ro pag-deactivate it Emergency Operations Center ag ginpanaba ro alert status halin sa Blue Alert paagto sa White Alert epektibo alas 7:00 it agahon it Lunes, Hulyo 13, 2026, matapos nagguwa eon sa Pilipinas ro Bagyong Inday.
Ro pagpanaba it alert status kaparte it transition halin sa mas ginpabaskog nga emergency response operations paagto sa regular nga pagbantay ag padayon nga paghanda para sa posible nga pagbag-o it paniempo.
Apang padayun nga ginapadumdum it PDRRMO ro tanan nga ahensya sa idaeum it konseho ag Local Disaster Risk Reduction and Management Offices nga magpabilin nga alerto, padayon nga magbantay it daeagan it tiempo ag insigida nga i-report sa andang mga nasakupan ro anuman nga insidente ukon importante nga hitabo.
Gin-engganyo man ro publiko nga padayon nga mangin mabinantayon, mangin haum, ag mangin euwas pinaagi sa pagbantay it mga opisyal nga pahisayod ag impormasyon halin sa mga natungdan nga ahensya.
