-- ADVERTISEMENT --
KALIBO, Aklan — Gin-umpisahan eon ro pag-install it 49 nga streetlights sa nagkaeain-eain nga provincial road blackspots ukon mga lugar nga pirmeng gina-eontaran it aksidente sa probinsiya it Aklan.
Base sa impormasyon, igakabit ro mga streetlights sa Banga-Libacao Blackspot Road, partikular sa mga parte it Bacan, Torralba, Daguitan ag Paningayan.
Kaibahan man sa proyekto ro Torralba-Sibalew-Arcangel-Feliciano Road sa Torralba segment ag Numancia-Lezo-Malinao Road sa Bugasongan, Lezo segment.
Tuyo it proyekto nga mapamyad ro kaeowasan it mga motorista ag iba pang nagagamit it mga nagapangunang karsada, ag mabawasan ro numero it mga aksidente sa mga lugar nga ginakabig nga accident-prone.
