Indi maganaba sa 13 nga katawo ro namatay sa magkaseparado nga pag-atake it Russia ag Ukraine ko nagtaliwan nga adlaw.
Sa parte it Ukraine, gin-target it Russia ro mga siyudad it Zaporizhzhia, Odesa, Kharkiv, Sumy, Donetsk, ag Kryvyi Rih, nga nagresulta sa pagkamatay it mga sibilyan ag pagkasamad it mga edipisyo.
Sa pihak nga parte, gin-report it Russia nga sangka sibilyan ro namatay sa Belgorod region bangud sa shelling it Ukraine.
Suno sa mga report, gumamit ro Russia it guided bombs, missile strikes, ag drone attacks nga nagtuga it maeapnagon nga kahalitan ag ginkanina it masobra sa 50 nga katawo.
Sa Odesa, tumama ro missile strike sa imprastrukturang gina-istaran it mga sibilyan, samtang sa Sumy region, tatlo ro namatay sa aerial bomb attack.
Samtang, gin-report it Moscow nga gintarget it Ukraine ro pilang cargo ships sa Sea of Azov, nga ginagamit para sa transportasyon it agricultural products ag supply sa Crimea.
Padayun nga naga-grabe ro tensyon sa tunga it daywang nasambit nga nasyon nga masobra sa ap-at nga dag-on eon nga nagbuhay, kun sa siin, ro United Nations hay nagpaandam nga Hunyo 2026 ro naging pinakamadugong buean para sa mga sibilyan umpisa pa ko Abril 2022.
