KALIBO, Aklan — Binawian it kabuhi samtang ginabueong sa sangka pribadong ospital ro 38-anyos nga rider matapos madisgrasya samtang nagamaneho it anang motorsiklo sa Brgy. Estancia, Kalibo, pasado ala-1:00 it aga-aga it Biyernes, Hulyo 17.
Ro biktima nga si alyas Mon-Mon nga residente it Brgy. Tigayon, Kalibo, hay halin sa Brgy. Old Buswang ag maga-uli eon kunta kat matabu ro aksidente.
Base sa imbestigasyon it kapulisan, nahueog ro plastic nga anang daea nga may sueod nga pagkaon.
Samtang nagadaeagan ro motorsiklo, gintinguhaan kara nga saepon, nga nagresulta sa anang pagkatumba.
Nag-angkon ro biktima it lastro sa anang ueo.
Nasayuran man nga nutshell eamang ro anang suksok nga helmet .
Nadaea pa imaw sa ospital, apang namatay samtang ginabueong.
Sa pihak nga parte, habalik eon sa pamilya ro naduea nga cellphone it biktima.
