Posible nga mapangatubang sa death penalty ro sangka Filipino-American nurse sa Florida, U.S.A, matapos gin-akusahan it child sexual abuse ag pagtago it mga video nga may kaangtanan sa pag-abuso sa pamatan-on.
Ro akusado hay nakilaea kay Schubert Navarroza Macarat, 41 anyos.
Suno kay Bombo Pinoy Gonzales, international correspondent sa Houston, Texas, ginpasakaan si Macarat it 47 nga kaso, eakip ro 12 nga kasong sexual battery kontra sa sangka unga nga naga-edad it 12 anyos.
Ginpahayag man ni Gonzales, nagtapos ro suspek sa Cebu University of Visayas ko dag-on 2009, ag nag-trabaho sa Middle East ag nagbo-oe sa U.S State Board Exam ag naka pasa sa nasambit nga eksaminasyon.
Dugang pa kara, nga base sa laye it Estados Unidos, ginakabig pa nga inosente ro akusado hasta nga wala pa napamatud-an sa korte nga imaw hay nakasaea.
Base man sa imbestigasyon it mga awtoridad natukiban sa akusado ro ap-at nga terabyte nga hard drive nga may sueod nga indi magnaba sa 3,000 nga mga video, eakip ro ginaboeobanta nga 700 nga ginasugid nga child sexual abuse material.
