Nagpanawagan si dating House Speaker ag Leyte 1st District Representative Martin Romualdez sa Bureau of Immigration (BI) nga magpatigayon it insigidang imbestigasyon angot it saea sigon nga impormasyong naga-konekta kana sa planong pag-halin it nasyon para takasan ro mga kasong ginapangatubang.
Sa sueat nga ginpadaea it anang mga abogado kay Immigration Commissioner Joel Anthony Viado, ginpamilit it kampo ni Romualdez nga uwa it kamatuoran ro nasambit nga report ag ginpamilit nga ro isyu it anang travel restrictions hay nakahathat pa sa Sandiganbayan.
Suno sa kampo it dating House Speaker, ro bukon sigon beripikadong impormasyon hay nakaka-samad sa anang reputasyon ag posibleng makaapekto sa patas nga pagpamati it anang kaso.
Ginpamilit man it anang mga abogado nga uwa nag-hana nga maglikaw si Romualdez sa mga kasuguan it hukuman ag padayon nana nga atubangon ro tanan nga legal nga proseso.
