Ginaeauman nga mabudlayan ro mga player it Pilipinas sa football matapos ro ginpatigayon nga group stage assignment draw sa 2026 Asian Games nga pagahiwaton sa Japan sa buean it Setyembre.
Raya hay matapos nga maeakip ro Philippine Women’s Football Team sa Group G, kun sa siin maka-ibahan nanda ro China, Uzbekistan, ag Hong Kong.
Maskin nga naka-secure ro Filipinas it ticket sa 2027 FIFA Women’s World Cup, indi gihapon raya magiging madali para sa koponan sa ikaywang kahigayunan nga magapasakop raya sa nasambit nga kompetisyon.
Angot kara, naeakip man sa Group C ro Men’s U23 Team, kun sa siin, maka-atubang nanda ro Vietnam, Uzbekistan, ag Kuwait.
Magabuhay ro Asian Games Men’s U23 Tournament umpisa sa Setyembre 15 hasta Oktubre 3; samtang umpisa sa Setyembre 14 hasta Oktubre 2 man sa Women’s Division.
