Naga-abot eon sa 60,000 nga mga migrants ro nakasueod sa Ceuta, Spain halin sa Morocco sa nagtaliwan nga 24 oras, suno sa presidente it enclave nga si Juan Jesús Vivas.
Suno kana raya hay katumbas it 70% it regular population it syudad.
Ginaboeobanta nga 34 nga mga migrants ro napatay samtang nagatinguha nga magtabok.
Nagbisita man si Prime Minister Pedro Sánchez sa Ceuta ag ginkondina ro border breach nga ginakabig nana nga sangka pag-eabag sa territorial integrity it siyudad.
Ginbasoe nana ro human smugglers sa nasambit nga krisis ag ginpahayag nga gin-uto it mga raya ro mga bata pa nga mga indibidwal nga nagresulta sa kamatayon it maabu nga katawo.
Sa mga nakatabok, haeos katunga eon ro nakabalik sa Morocco suno sa interior ministry it Spain.
