Kadungan it pagdumdom it National Breastfeeding Awareness month makaron nga buean it Agosto, ginpamilit it sangka health expert ro importansya it pag-pabreastfeed sa mga eapsag.
Suno kay Dr. Philip Ian Prieto Padilla, sangka health expert, mabahoe ro nagiging epekto it pag-pabreastfeed sa mga inunga pati eon man sa mismong nanay.
Ro breastmilk sigon hay naga-angkon it anti-bodies nga nakakabulig sa pag-protekta kontra sa masakit, ag ginapabaskog ro immune system.
Base sigon sa datos it UNICEF, 800,000 ka mga infant death ro napupunggan bangud eamang sa pagpa-breastfeed sa mga inunga.
Dugang pa nana, mageuwas sa benepisyo nga nabubuoe it mga inunga sa gatas it ina, nakaka-benepisyo man ro mismong ina sa pag-practice kara bangud nga raya hay nakakapugong sa excessive weight gain.
Mageuwas kara, ro breastfeeding man sigon hay sangka epektibong contraception, apang ginpunto nana nga bukon raya it syento porsyento nga pag-pugong sa uman nga pag-nabdos.
Dugang pa nga naeueuwas man it breastfeeding ro kabuhi it sangka ina bangud nga napupunggan man kara ro breast ag ovarian cancer.
Sa makaron, padayon ro ginahimo nga kampanya it Department of Health (DOH) sa pagpatigayon it exclusive breastfeeding sa bilog nga nasyon.
