Ginkoronahan si Angelica Lopez it Palawan bilang Reina Filipinas Grand International 2026 sa kauna-unahang grand coronation night it pageant nga ginpatigayon, adlaw it Biyernes.
Si Angelica ro magiging representante it Pilipinas sa Miss Grand International 2026, kabaylo ni Emma Mary Tiglao.
Ginpiyerde ni Lopez ro 20 nga iba pang kandidata halin sa nagkaeain-eain nga parte it nasyon agud nga maangkon ro titulo.
Nabo-oe mat-a ni Cleopatra Barrera it Zambales ro titulong first runner-up, samtang second runner-up si Isabella Ortega it Camarines Sur.
Ginkilaea sanday Zeah Nestle Pala it Mandaluyong bilang third runner-up ag Luisa Benavides it Caloocan bilang fourth runner-up.
Samtang, sanday Anne Patricia Diaz it Manila ag Alexie Caimoso Brooks it Iloilo City ro napiling representante it Pilipinas sa masunod nga edisyon it MGI All Stars matapos nanda nga mabo-oe ro Reina Filipinas MGI All Stars titles.
Ro mga nagdaog hay ginpili base sa gin-ililiba nga puntos halin sa panel of judges ag boto it publiko.
Kaibahan sa mga hurado ro internationally acclaimed Filipino designer nga si Michael Cinco, Miss Grand International 2024 nga si CJ Opiaza, inaugural MGI All Stars winner nga si Vanessa Pulgarin it Colombia, ag first runner-up it MGI All Stars nga si Nguyen Huong Giang it Vietnam.
