-- ADVERTISEMENT --
Patay ro sangka 27-anyos nga ina ag ro anang limang-buean nga eapsag matapos kumueob ro ginasakyang speedboat maeapit sa Liberty Island sa New York, Estados Unidos, gabi-i it Sabado.
Ginkilaea ro mga biktima nga sanday Sara Sanchez ag ro anang eapsag nga si Antonella Garcia. Kapin sa 12 nga iba pa nga sakay it speedboat ro naeowas halin sa tubi matapos ro insidente.
Arestado man si Manuel Hernandez, 46 nga nagapangatubang sa 13 counts it reckless endangerment. Nagapabilin imaw sa kustodiya it gobyerno samtang nagapadayun ro imbestigasyon sa insidente.
Samtang, naglunsar it online fundraiser ro Italian restaurant sa Manhattan kun sa siin nagatrabaho ro asawa ni Sanchez nga si Andres Garcia, agud nga makabulig sa pamilya it mga biktima.
-- ADVERTISEMENT --
