KALIBO, Aklan–Hugut nga ginapatuman it Department of Education ukon DepEd Aklan ro implementasyon it instructional block para masiguro nga indi madisturbo ro regular nga pagtuon it mga estudyante.
Kaibahan kara ro pagpatigayon it mga district meet ag iba pang school activities nga ginahimo sa tiempo it holiday ukon end-of-term block agud nga indi maistorbo ro oras para sa pagturo ag pagka-intigo it mga estudyante.
Suno kay Dr. Darren Naelgas, Education Program Supervisor, Division Information Officer Alternate it DepEd Aklan nga sa kamatuoran hay pilang eskwelahan ro nagapatigayon makaron nga selebrasyon it Ninoy Aquino Day it district meet bilang pagpahaum it mga estudyanrte para sa unit meet ag provincial meet.
Samtang, ro mga aktibidad makaron nga Agosto kapareho it Buwan ng Wika ag ASEAN Month hay gina-eakip eon lang sa mga regular nga klase ag asignatura it mga estudyante.
Ginalikawan sigon nanda ro mga ginapatigayon dati nga one-day program, kun sa siin hay nagakaon it maabung oras.
Kon kinahangean sigon nga magpatigayon it bilog nga adlaw nga school activity, ginarekomenda raya nga ibutang sa end-of-term block agud nga indi ma-delay ro regular nga klase.
