Nagaabot sa 6.5 milyong Pilipino ro nakahaw-as halin sa kalisod matapos nagnaba sa record-low nga 9.7% ro lebel it kapigaduhon sa nasyon ko 2025, suno sa Philippine Statistics Authority (PSA).
Raya mat-a ro unang kahigayunan nga nagnaba sa single digits ro lebel it kapigaduhon nga ginakabig nga sangka mabahoe nga milestone bangud sa naangkon raya it mas maaga ukon tatlong dag-on antes ro target nga 2028 sa idaeom it Philippine Development Plant (PDP) it gobyerno.
Base sa datos halin sa PSA, kapin sa 11 milyong Pilipino ro nagapangabuhi nga mas manaba sa poverty threshold ko nakataliwan nga dag-on, manaba halin sa 17.5 milyon ko 2023.
Ro pagnaba it lebel it kapigaduhon hay kasunod it pagtaas it nominal nga kita sa 22% sa tunga it 2023 ag 2025, mataas halin sa nailistang inflation rate nga 5% sa parehong tyempo.
