Ginaeauman nga maganaba it 91 porsyento ro net income it Philippine Amusement and Gaming Corp. (PAGCOR) makaron nga 2026, halin sa ₱17.47 bilyon ko 2025 hay magiging ₱1.66 bilyon.
Suno sa PAGCOR, kaibahan sa mga nakaapekto sa kita ro paghinay it online gambling matapos dueaon ro koneksyon it mga gaming platform sa e-wallets, kamana man ro epekto it krisis sa Middle East nga nagpahina sa aktibidad it mga sugaroe.
Ginatantyang maganaba man it 18 porsyento ro kabilugang kita it PAGCOR sa ₱86.95 bilyon makaron nga dag-on halin sa ₱106.03 bilyon ko 2025.
Apang, nagaeaum ro PAGCOR nga makabawi sa ikaywang quarter it dag-on bangud sa ginaeauman nga pagtaas it gaming activity sa peak season.
Para sa 2027, target kara nga magtaas ro net income sa ₱1.91 bilyon.
