KALIBO, Aklan—Ginakabig it sangka batikang abogado sa Aklan nga highly politicalized ro sitwasyon angot sa nagapadayon nga pagbista kay Vice President Sara Duterte sa Senado.
Sa nagapadayon nga impeachment trial, ginpanugyan ni Atty. Plaridel Morania nga kinahang-ean pamatian it mayad ag binag-binagon ro mga ginapresentar it prosekusyon.
Suno kana, posibleng nagapanigurado ro kampo ni Duterte nga maabo ro kaalyado sa Senado apang dapat suno kana magapangibabaw ro kamatuoran sa ginapangayo nga accountability ag kamatuoran angot sa ginastos nga confidential funds.
Para kana sigon hay dapat inde pagtaw-an it kinamatarong nga bomoto ro mga senador nga nakakulong, nagapanago ukon uwa nagaatendir sa pagpamati bangud nga sa makaraya nga sitwasyon hay kinahang-ean ro presensya ag nakapokus sa mga ginapresentar nga dokumento ag statement it magtimbang nga kampo.
Sa pihak kara, dapat paino-inuhon it kada isaea ro puturo it banwa ag paaeabuton it ulihing henerasyon ro nakasalalay rason nga bomoto sa eksakto ag sa konsensya.
