Ginapatihan nga nagtuga it makahaealit nga flash floods sa Nepal ro pagkatiphag ag pagkaeahueog it mga glacier suno sa mga eksperto.
Base sa mga litrato nga bo-oe it satellite, makita ro sangka mabahoe nga parte it sangka glacier sa bukid nga naeumpag ag bumagsak.
Kaibahan it naeunpag nga yelo hay ro mga bato ag iba pa nga mga debris nga mahimo gintunaan it madasig ag mabaskog nga pag-ilig it tubi.
Bangud kara, maabu nga mga lugar ro ginbaha nga gintunaan it pagka-guba it mga daeanon, tulay ag iba pa nga mga estraktura.
Nauna eon nga gintan-aw it mga otoridad kon may kahilabtanan ro linog, apang padayon pa ro imbestigasyon agud masayuran kun ano gid ro gintunaan it pagka-eumpag it glacier.
Suno sa mga eksperto, ro nagapadayon nga pag-init it kalibutan hay pwede man nga naka-contribute sa paghuyang it mga glacier sa Himalayas.
Padayon ro rescue operations samtang gina-assess it mga otoridad ro kabahoe it kahalitan nga gin-aywan it flash flood.
