Patay ro sangka eaeaki matapos makita nga uwa eon it alintro sa temporaryong ginaistaran kara sa Kalibo,agahon it Agosto 31.
Suno kay PLt. Sally Mar Bretania, nakabaton sanda it report bandang alas-5 it agahon matapos nga pukawon imaw para mag agto sa trabaho apang uwa eon raya kabugtaw.Pag-abot it mga responder, nakita nga patay eon ro biktima.
Base sa post-mortem examination it attending physician, bangungot ro ginakabig nga natural nga rason it kamatayon. Suno man sa pamilya, uwa sanda it nakitang senyales it foul play sa kamatayon it biktima.
Sa paunang imbestigasyon, nahambae nga nagreklamo ro biktima nga bukon it manami ro anang pamatyag antes pa makita nga uwa eon it kabuhi.
Uwa man it nakitang ebidensya ro kapulisan nga may iba nga tawo nga may kahilabtanan sa kamatayon, ag uwa man nakarekober it mga bagay nga nagapakita it krimen sa lugar nga ginaistaran it biktima.
Nagpaandam man ro kapulisan sa publiko nga indi mag-self-medicate, eabi eon kon seryoso ro ginabatyag nga sintomas.
Mas mayad nga magpakonsulta sa doktor ukon mag-agto sa pinakamaeapit nga health center agud malikawan ro posible nga komplikasyon.
Ginpahanumdom man ro publiko nga may mga serbisyo pang-ikamayad nga eawas nga libre ukon may assistance pinaagi sa mga programa pareho it Malasakit Program, Department of Health ag PhilHealth.
