Mahugot nga ginpamaeabahan it Office of the Ombudsman ro mosyon ni dating House Speaker Martin Romualdez nga magpablin sa ospital samtang ginabista ro kasong plunder kontra kana sa Sandiganbayan.
Sa baylo nga sangka doktor eamang, gusto it Ombudsman nga sangka grupo it government doctors ro mag-usisa sa kondisyon ni Romualdez agud matumod kun kinahangean pa nana nga magpabilin sa pribadong ospital.
Kun mapamatud-ang manageable eon ro anang mga baeatyagon, paga-hinyuon it prosecution nga isaylo imaw sa regular nga detention facility.
Ginpamilit man ni Ombudsman Jesus Crispin “Boying” Remulla nga mapag-on ro kasong plunder kontra kay Romualdez ag ginhambae nana nga maabo pang kaso ro ginapahaom kontra sa dating House Speaker.
Presenteng naka-confine si Romualdez sa Cardinal Santos Medical Center ag ginmanduan nga mag-atubang sa Sandiganbayan sa makaron nga Setyembre 10 para sa pagpamati sa anang mosyon.
