Nagpasueod it not guilty plea si dating House Speaker Martin Romualdez sa anang arraignment, agahon it Miyerkules, Setyembre 16, angot sa P7.44-bilyong plunder case kontra kana.
Ginpatigayon ro arraignment sa Sandiganbayan Third Division, kun sa siin ginpasugtan si Romualdez nga magpasakop pinaagi sa videoconference halin sa Quezon City Jail Male Dormitory sa Payatas.
Nagapangatubang ro dating Speaker sa kasong plunder angot sa gina-alegar nga bilyun-bilyong pisong kickbacks halin sa mga pondong gintaeana para sa infrastructure projects. Ginpamalibaran ni Romualdez ro mga alegasyon kontra kana.
Naaresto si Romualdez ko Setyembre 7 ag ko ulihi hay ginsaylo sa Quezon City Jail matapos hambaeon it mga doktor it Philippine General Hospital nga stable eon ro anang kondisyon ag indi eon kinahangean ro padayun nga hospital confinement.
