Posibleng opisyal eon nga ideklara it Philippine Atmospheric, Geophysical and Astronomical Services Administration (PAGASA) ro pagtapos it Habagat season sa sueod it masunod nga daywang domingo ukon sa unang domingo it Oktubre.
Suno kay PAGASA weather specialist Daniel Villamil, owa eon it aktibong Habagat nga naga-abot sa Pilipinas sa makaron. Dugang pa kara nga ro mga naeksperyensiyahan nga pag-uean, kaibahan eon sa Metro Manila, hay tuga it localized thunderstorms.
Samtang, padayun nga ginamonitor it PAGASA ro Severe Tropical Storm Queenie nga nagapabilin nga mabaskog samtang mahinay nga nagahueag sa Philippine Sea.
Bandang alas-4 it aga-aga, ro sentro kara hay ginaboeobanta nga una sa 600 kilometro nasidlangan it Itbayat, Batanes.
Ginaeauman nga maging bagyo ukon typhoon si Queenie pag-abot it Sabado it gabi-i ukon Domingo ag posibleng mas pang magabaskog samtang nagahueag sa kadagatan sa nabagatnan it Okinawa Islands.
Ginaboeobanta nga maaabot kara ro pinakamabaskog nga intensity bago amat-amat nga magahina sa Lunes, Setyembre 28.
