Parehong nakaangkon it lastro sa nagkaeain-eain nga parte it eawas ro daywang ka motorista matapos nga maimbolbar sa sangka aksidente sa Brgy. Linabuan Norte, Kalibo ku adlaw it Dominggo, Oktubre 4.
Suno kay PLt.Col. Jerick Vargas, hepe it Kalibo Municipal Police Station, nagtuhaw ro insidente matapos nga eumampas sa pihak nga lane ro motorsiklo nga maghalin sa dereksyon it banwa it Banga rason para nga sumunggab raya sa kasubeang nga tricycle.
Parehong nakaagom it lastro ro daywang driver sa pa-a ag ueo. Insigida man nga gihndaea ro mga raya sa Provincial Hospital para sa nagakaigo nga pag-bueong.
Samtang, may sangka motorsiklo pa sigon nga kasunod it tricycle ro nadamay sa nasambit nga aksidente, apang insigida rayang nag-paeagyo sa lugar.
Sa makaron, ginahueat eon lang ro pamilya it tricycle driver para sa pagpasaka it kaso, samtang pareho man nga una sa kustudiya it Kalibo PNP ro mga motor vehicles.
Dugang pa ni PLt.Col. Vargas, ro ginatan-aw nga rason it insidente, mageuwas sa madasig ro padaegan it motorsiklo hay ro makahieilong nga ieimnon nga nahumgan sa driver it motorsiklo.
