Ginpahayag ni Department of Energy (DOE) Secretary Sharon Garin nga padayon ro pagpahaom it ahensya kontra sa paeag it El Niño ag sa mga posibleng epekto kara sa supply it kuryente sa nasyon.
Ginpaathag it opisyal nga nakahaom ro DOE sa pinaagi it Task Force on Energy Resiliency agud pangunahan ro mga tikang para sa seguridad sa enerhiya.
Kaibahan sa mga nagapangunang sabat it ahensya ro pagduso it energy savings ag pagpagana it Interruptible Load Program (ILP).
Sa idaeom it programa, ginapahaom ro mga generator set, kaibahan ro pagpadaea it dugang nga battery storage systems ag power barges sa Visayas.
Gin-insister ni Garin nga maskin nagapabilin nga stable ro supply sa Visayas, nagnaba it 60% ro kapasidad it hydro power ag 20% mat-a sa solar energy.
Ro mga nasambit nga tikang hay nagatuga it bawas sa kabilugang supply it kuryente nga padayon nga ginabantayan ag ginahimuan it pamaagi it ahensya.
