Nagapabilin ro kumpiyansa ni Pangueong Ferdinand Marcos Jr., kay Interior Secretary Jonvic Remulla sa pihak it mga owa pa nadakpan nga pilang high-profile fugitives, suno sa Malacañang.
Suno kay Palace Press Officer Claire Castro, kinahangean anay nga imbestigahan ro gina-alegar nga pagguwa sa nasyon it negosyanteng si Charlie “Atong” Ang pinaagi sa backdoor route agud nga matumod kun may kakueangan ro mga ahensyang responsable sa pagbantay sa mga wanted nga indibidwal.
Kaibahan sa iba pang owa sa kustodiya it mga awtoridad sanday dating Ako Bicol party-list Representative Zaldy Co, dating presidential spokesperson Harry Roque ag Senador Ronald “Bato” dela Rosa, nga nagapangatubang sa magkaseparadong kaso ag isyung legal.
Samtang, aminado si Remulla nga mabahoe nga hangkat ro pagbantay sa mga bukon it opisyal nga guwa-an it nasyon. Bangud kara, ginapabaskog eon sigon it gobyerno ro border monitoring it Philippine Coast Guard, Philippine National Police, Bureau of Immigration ag iba pang ahensya.
