Uman nga naghina ro piso kontra dolyar, adlaw it Biyernes, Nobyembre 13 matapos magsarado ro domingo sa haega nga ₱63.72 kada sangka dolyar.
Nagnaba raya it daywang sentimo halin sa ₱63.70 kada dolyar ko Huwebes.
Suno kay UnionBank chief economist Ruben Carlo Asuncion, nagapabilin nga mataas ro demand sa dolyar rason nga naghina ro piso.
Temporaryo pa sigon nga nag-abot sa ₱63.94 ro pagbaeayluhan bago sangkiri nga nakabawi sa pagtapos it trading.
Ginapakita man it mas mataas nga trading volume ro padayun nga pressure sa piso.
Ginpahayag ni Asuncion nga posible pang magapabilin nga mahina ro piso bangud sa pagbaskog it dolyar ag kawad-an it kasiguraduhan sa masunod nga tikang it US Federal Reserve (Fed) sa polisiya kara sa interes.
Pwede man nga makaapekto sa kumpiyansa it merkado ro paghina it pag-umwad it ekonomiya it Pilipinas, maskin nga posibleng makaangkon it sangkiri nga pag-stabilize matapos ro sunod-sunod nga pagnaba it balor it piso.
