Sa kada nagahilapit ro selebrasyon it fiesta minatay, inde maduea ro mga nababatyagan ukon nakikita nga kababalaghan.
Sa mabuhay nga tyempo hay gintawag nga “hunted house” ro abandonadong baeay sa may Brgy. Mabilo, Kalibo.
Suno kay Cristita Fernandez, residente it nasambit nga lugar ag kapin sa 21-anyos eon sanda nga naga-istar sa tupad it hunted house, uwa pa sigon imaw it nakit-an nga kababalaghan sa baeay.
Apang, maabo ro nagapamatuod nga may nakikita nga white lady sa lugar.
Ginpahayag dugang nga hungod nga ginsunog ro baeay ko tyempo it hapon ag may nahueog sigon nga tawo sa mabahoe nga buho sa sueod kara.
May mga nadidisgrasya man sa nasambit nga lugar bangud sa kahadlok kon makit-an ro white lady.
Ro ulihi suno kana hay ro pagkaaksidente it motorsiklo sakay ro daywang ka eaeaki ag ro sambilog kanda kara hay dead on arrival sa provincial hospital.
Sa makaron ro ginakabig nga hunted house hay nagapabilin nga nagatindog ag uwa eon pagbaliki it tag-iya.
