KALIBO, Aklan—Madinaeag-on nga napatigayon ro Annual General Mambership Assembly it Aklan Electric Cooperative kon sa siin gin-istoryahan ro pila ka mga concerns angot sa kuryente nga ginakonsumo it mga konsumidor.
Ginpaathag ni Acting General Manager Atty. Ariel Gepty it Akelco sa sangka press conference nga bangud sa mga gin-abiso nga yellow ag red alert sa rehiyon it Luzon ag Visayas hay nakaangkon it pagnipis sa supply it kuryente ag nagbahoe man ro demand pag-abot sa konsumo it mga konsumidor bangud sa naeksperyensyahan nga tuman kainit it panyempo daea it El Niño Phenomenon hay nakaangkon man it pagtaas sa generation surcharge.
Kapin sa P1.46 centavos ro igapaguwa nga increase it kooperatiba para sa buean it Mayo kon ikumpara ko nagtaliwan nga buean.
Samtang, ginatun-an eon it Akelco ro discount nga igaimponer sa mga konsumidor nga senior citizens bilang pagsunod sa laye nga paborable sa mga raya.
